देशभरात UPI सेवा तांत्रिक अडचणींमुळे ठप्प झाली आहे. Google Pay, PhonePe, Paytm सारखी अ‍ॅप्स नीट काम करत नाहीत. अशावेळी व्यवहार करण्यासाठी डेबिट कार्ड, नेट बँकिंग, वॉलेट अ‍ॅप्स यासारखे पर्याय वापरा. या लेखात वाचा सविस्तर माहिती.
देशभरात पुन्हा एकदा UPI (Unified Payments Interface) सेवा ठप्प झाली आहे. गूगल पे, फोनपे, पेटीएम यांसारखी लोकप्रिय अ‍ॅप्स नीट काम करत नसल्यामुळे लाखो युजर्सना व्यवहार करताना अडचणी येत आहेत. दिवसेंदिवस डिजिटल व्यवहारांवर आपली सर्वांची अवलंबित्व वाढत चाललेली असताना अशी तांत्रिक अडचण उद्भवणं, अनेकांसाठी डोकेदुखी ठरत आहे.
NPCI (National Payments Corporation of India) ने दिलेल्या प्राथमिक माहितीनुसार, ही अडचण तांत्रिक कारणामुळे निर्माण झाली आहे. याआधी देखील असे प्रकार घडले आहेत. गेल्या वर्षभरात ही सहावी वेळ आहे की, जेव्हा देशभरात UPI सेवा तात्पुरती बंद झाली आहे.
DownDetector या संकेतस्थळावर मिळालेल्या माहितीनुसार, जवळपास 1,168 युझर्सनी तक्रारी केल्या आहेत. यामध्ये:
यांनी समस्येबद्दल सविस्तर माहिती दिली आहे. यातले 66% लोक म्हणाले की, पेमेंट फेल होत आहे, तर उरलेल्या 34% लोकांचं म्हणणं आहे की, पैसे ट्रान्सफरच होत नाहीत.
UPI सेवा बंद पडली की, युजर्सना:
QR कोड स्कॅन करता येत नाही
पेमेंट ट्रान्सफर अडकतो
व्यवहार अपूर्ण राहतो
पैसे कट होऊनही रिसीव्हरकडे पोहोचत नाहीत
यामुळे वैयक्तिक व्यवहारांपासून ते व्यावसायिक ट्रान्सजॅक्शन्सपर्यंत अनेक अडचणी निर्माण होतात.
ही समस्या एकट्या एखाद्या बँकेपुरती मर्यादित नाही. अनेक राष्ट्रीय आणि खाजगी बँकांच्या युजर्सवर त्याचा परिणाम झाला आहे. त्यामुळे ही एक सिस्टमिक अडचण असल्याचं स्पष्ट होतं.
ज्यांच्याकडे कार्ड आहे, त्यांनी दुकानांमधील POS मशीनवर कार्ड स्वाईप/टॅप करून पेमेंट करावं. ऑनलाईन शॉपिंग करत असाल तर कार्ड डिटेल्स वापरूनही व्यवहार करता येतो.
बँकेच्या वेबसाईट किंवा अ‍ॅपवर लॉग इन करून थेट खात्यातून पैसे ट्रान्सफर करता येतात. विशेषतः बिल पेमेंट्स, रिचार्ज किंवा मोठ्या व्यवहारांसाठी नेट बँकिंग प्रभावी पर्याय ठरतो.
जर आधीपासूनच Paytm Wallet, PhonePe Wallet, Amazon Pay किंवा Mobikwik मध्ये पैसे भरलेले असतील, तर त्या वॉलेटमधून QR कोड स्कॅन करून किंवा मोबाईल नंबरवर थेट पैसे पाठवू शकता.
डिजिटल पेमेंट्स बंद असतील तर सगळ्यात जुन्या आणि विश्वसनीय पर्यायाकडे वळा – रोख रक्कम! लहानसहान व्यवहारांमध्ये कॅश अजूनही उपयोगी ठरते.
मोठ्या व्यवहारांसाठी किंवा औपचारिक देवाण-घेवाणीसाठी चेक व डीडी अजूनही एक विश्वासार्ह मार्ग आहे. विशेषतः व्यवसायिक व्यवहारांमध्ये याचा उपयोग अधिक होतो.
या आधी देखील 26 मार्च रोजी अशीच UPI सेवा तांत्रिक कारणांमुळे ठप्प झाली होती. जवळपास अडीच तासांपर्यंत देशभरातील डिजिटल व्यवहार पूर्णतः बंद झाले होते. त्यादिवशी गूगल पे, फोनपे, पेटीएम या तिन्ही प्रमुख अ‍ॅप्सवर व्यवहार करणे म्हणजे ‘मिशन इम्पॉसिबल’ झालं होतं.
UPI ही जरी भारताची एक अभिमानास्पद कामगिरी असली, तरी अशा वारंवार होणाऱ्या अडचणी सरकार आणि NPCI साठी एक इशारा आहेत. यावर त्वरित उपाययोजना करणं, बॅकअप सर्व्हर्स, लोड मॅनेजमेंट अशा गोष्टींकडे लक्ष देणं गरजेचं आहे.
UPI सेवा पूर्णपणे बंद नसते, थोड्या वेळाने ती पुन्हा सुरू होते, त्यामुळे थोडं वाट पाहा.
पैसे कापले गेले असतील तर घाबरू नका, ते 24 ते 72 तासात परत खात्यात येतात.
प्रत्येक वेळी व्यवहार करताना स्क्रीनशॉट घेऊन ठेवा, त्यामुळे नंतर तक्रार करताना सोय होते.
डिजिटल व्यवहार हे आपल्या दैनंदिन जीवनाचा भाग झाले आहेत. पण अशा वेळेला आपल्याला थोडा संयम आणि काही पर्यायी उपायांची माहिती असणं खूपच उपयोगी ठरतं. UPI डाऊन झालं म्हणून सगळं थांबत नाही – पर्याय आहेतच. फक्त थोडं स्मार्टली विचार करा आणि योग्य माध्यम वापरा.
🌧️ पुढचे 3 दिवस धोक्याचे! महाराष्ट्रात मान्सूनचा कहर, तुमचा जिल्हा अलर्टवर आहे का? गेल्या काही दिवसांपासून महाराष्ट्रात मान्सूनचा जोर लक्षणीयरीत्या वाढला असून, हवामान खात्याने पुढील चार दिवसांसाठी मुसळधार पावसाचा अलर्ट जाहीर केला आहे. मुंबई, पुणे, अधिक वाचा…
इंग्लिश मीडियम शाळांमधून शिक्षण म्हणजे खर्च का? आणि मराठी मीडियममधून शिक्षण हेच का आहे खरे इन्व्हेस्टमेंट? आजच्या युगात पालक इंग्रजी मीडियम शाळांकडे झुकतात. “इंग्रजी येणं म्हणजे यश” – या चुकीच्या समजुतीवर आधारित एक मानसिकता समाजात अधिक वाचा…
डिजिपिन म्हणजे काय? आणि पारंपरिक पिनकोडच्या तुलनेत याचं स्थान काय आहे? 📌 “तुमचं पत्र किंवा पार्सल योग्य पत्त्यावर पोहचवण्यासाठी आता फक्त पिनकोड नाही, तर डिजिपिनसुद्धा महत्त्वाचं ठरणार आहे!” 🧭 डिजिपिन म्हणजे काय? डिजिपिन हा भारतीय अधिक वाचा…
