दिल्ली मुख्यमंत्री रेखा गुप्ता यांच्यावर हल्ला | आरोपी राजेश राजकोटचा | Civil Lines घटना -Dilli Mukhyamantri rekha Gupta attack
Dilli Mukhyamantri rekha Gupta attack – दिल्ली CM रेखा गुप्ता यांच्यावर त्यांच्या सिव्हिल लाईन्स निवासस्थानी जनसुनवाई दरम्यान हल्ला. राजकोटचा ४१ वर्षीय राजेश पोलिसांच्या ताब्यात. भाजपने निषेध केला असून चौकशी सुरू आहे.
बुधवारी संध्याकाळी दिल्लीच्या मुख्यमंत्री रेखा गुप्ता आपल्या अधिकृत निवासस्थानी आयोजित जनसुनवाई कार्यक्रमात नागरिकांच्या तक्रारी ऐकत होत्या. नेहमीप्रमाणे नागरिक आपापले प्रश्न घेऊन येत होते. पण अचानक एक व्यक्ती पुढे आला, कागद दिला, मोठ्या आवाजात बोलू लागला आणि अपशब्दांचा भडीमार करू लागला.
क्षणातच वातावरण तंग झालं आणि त्याने मुख्यमंत्र्यांना थप्पड मारल्याचा तसेच केस ओढल्याचा आरोप करण्यात आला.
दिल्ली मुख्यमंत्री रेखा गुप्ता यांच्यावर हल्ला आरोपी कोण आहे?
प्राथमिक चौकशीत त्याने स्वत:ची ओळख राजेश, वय ४१, राजकोट (गुजरात) अशी दिली आहे. पोलिसांनी त्याला ताब्यात घेतलं असून त्याची पार्श्वभूमी व उद्देश तपासले जात आहेत.
दोन वेगवेगळ्या कथा
👉 मुख्यमंत्री कार्यालयातील अधिकाऱ्यांच्या मते –
रेखा गुप्ता यांच्यावर स्पष्टपणे थप्पड व केस ओढण्याचा हल्ला झाला.
👉 मात्र दिल्ली भाजप अध्यक्ष वीरेंद्र सचदेवा यांचं वेगळंच मत आहे. त्यांचा दावा आहे की –
“हल्ला झालेला नाही. गोंधळाच्या वेळी आरोपीने मुख्यमंत्री यांचा हात पकडला आणि त्यावेळी त्या टेबलच्या कडेला धडकून जखमी झाल्या.”
दिल्ली मुख्यमंत्री रेखा गुप्ता यांच्यावर हल्ला – भाजपची अधिकृत भूमिका
भाजप प्रवक्ते प्रवीण शंकर कपूर म्हणाले –
“आम्हाला सांगण्यात आलंय की आरोपीने मुख्यमंत्र्यांचे केस ओढले. त्याच्या बोलण्यातून गुन्हेगारी प्रवृत्ती आणि राजकीय हेतू स्पष्ट दिसत आहेत. पोलिस चौकशी सुरू आहे आणि सत्य लवकरच समोर येईल.”
दिल्ली मुख्यमंत्री रेखा गुप्ता यांच्यावर हल्ला पुढे काय?
या घटनेने दिल्लीच्या राजकीय वर्तुळात मोठी खळबळ उडाली आहे. काहीजण याला थेट हल्ला म्हणत आहेत तर काहीजण त्याला अपघाती प्रकार मानत आहेत. आता सर्वांचे लक्ष दिल्ली पोलिसांच्या चौकशी अहवालाकडे लागले आहे.
