’12वी फेल’ – सुंदर चित्रपट (विधू विनोद चोप्रा)

विधू विनोद चोप्रा यांच्या ’12वी फेल‘ चित्रपटाची एक प्रेरणादायी कथा आहे, कथानकाचा नायक जो 12 वीच्या परीक्षेत नापास झालेला असतो. नंतर तो (UPSC) परीक्षेत उत्तीर्ण होण्यासाठी वेगवेगळी कामी करतो, रात्री फक्त तीन तास झोपतो आणि यूपीएससी परीक्षा उत्तीर्ण होण्यासाठी न थांबता, हार न मानता चार वेळा स्वतःला झोकून दितो. देशातील सर्वात प्रतिष्ठित संस्था असलेल्या केंद्रीय लोकसेवा आयोगाच्या (UPSC) परीक्षेत उत्तीर्ण होणे सोपे नाही. अभ्यास असो वा दृढ विश्वास, ही परीक्षा तुम्हाला दोन्ही आघाड्यांवर अनेक वेळा मोडून टाकते. याच लढ्यामुळे मनोज कुमार शर्मा (विक्रांत मॅसी) ची कथा विलक्षण बनते. हि कथा मध्य प्रदेशातील चंबळ येथील एका गावातील आहे. गावातील एक मुलगा बारावीच्या परीक्षेत नापास होतो. कारण नवीन डीपीएस दुष्यंत सिंग (प्रियांशु चॅटर्जी) शिक्षकांना बोर्डाच्या परीक्षात फसवणूक करण्यापासून रोखातो.

मनोज पुढच्या वर्षी बोर्डाची बारावीची परीक्षा तृतीय श्रेणीसह उत्तीर्ण होतो. नागरी सेवा परीक्षेची तयारी करण्यासाठी तो दिल्लीला पोहोचतो. या परीक्षेसाठी आवश्यक असलेले समर्पण त्याच्याकडे असते, परंतु त्यासाठी अभ्यासाचे कौशल्य नसते. यूपीएससी किंवा आयपीएस प्रोफाईल असे काही आहे हेही त्याला माहीत नसते. हा चित्रपट मनोज त्याचे गुरु (अंशुमन पुष्कर), मित्र आणि मैत्रीण श्रद्धा जोशी (मेधा शंकर) यांच्या मदतीने त्याचे स्वप्न कसे साकार करतो यावर आधारित आहे. खूप चांगली पटकथा आहे.

’12वी फेल‘ चित्रपट रिव्‍यू

विधू विनोद चोप्रा एक उत्कृष्ट चित्रपट निर्माता आहे आणि त्याने हे पुन्हा एकदा सिद्ध केले आहे. ’12वी फेल‘चा प्रत्येक ट्रॅक ही एक कथा आहे. मनोजसारखी भरकटलेली तरुणाई, त्याला योग्य-अयोग्य याचं ज्ञान नसणं, त्याची धडपड आणि प्रत्येक वेळी सुरवातीपासून सुरू होणारी धडपड. एक प्रेक्षक म्हणून मनोजच्या यशात किंवा अपयशात तुम्हाला सामील व्हवा वाटतं. जेव्हा तो यूपीएससीच्या अंतिम टप्प्यासाठी (मुलाखत) जातो तेव्हा पडद्यामागचा तणाव तुमच्या मनातही वाढतो. तुमच्या श्वासातही तुम्हाला शांत वातावरण आणि पार्श्वभूमीचा स्कोअर जाणवतो. चित्रपटाची कथा अतिशय नैसर्गिक आणि साध्या पद्धतीने माडली आहे. ए पी जे अब्दुल कलाम आणि बी आर आंबेडकर यांसारख्या दिग्गजाना मोठे मानतात त्यांची आठवण करून देते – शिक्षित व्हा, आंदोलन करा, संघटित व्हा. भ्रष्ट राजकारण्यांना समाजातील तरुणांनी मूर्ख राहावे असे वाटते, जेणेकरून त्यांना दडपून राज्य करता येईल, यावरही हा चित्रपट प्रकाश टाकतो. अभिनयाच्या आघाडीवर विक्रांत मॅसीने आपली व्यक्तिरेखा पूर्ण आत्मविश्‍वासाने साकारली आहे. तो प्रत्येक आघाडीवर त्याच्या पात्राला पूर्ण न्याय देतो. त्याच्या आत राग आहे, तो असहाय आहे, काळाचा प्रवाह आपल्या बाजूने वळवूनच आपण मरणार हे त्याने ठरवले आहे. प्रियांशू चॅटर्जी यांनी डीसीपी म्हणून आपल्या छोट्या भूमिकेतही छाप सोडली आहे. त्याचा प्रामाणिकपणा हाच या पात्रासाठीचा खरा शौर्य आहे. एक अभिनेता म्हणून त्याचे कौशल्य पाहण्यासारखे आहे जिथे तो मनोजला त्याचा वरिष्ठ अधिकारी म्हणून भेटतो. येथे त्यांची प्रतिक्रिया वरिष्ठ अधिकाऱ्याबद्दल आदर दर्शवते आणि तरुणांना योग्य मार्ग निवडण्यासाठी प्रेरित करते, जे उत्कृष्ट आहे. मनोजचे आई-वडील म्हणून गीता अग्रवाल शर्मा आणि हरीश खन्ना यांनीही छोट्या-छोट्या भूमिकांमध्ये आपली छाप सोडली आहे.

’12वी फेल‘ – का बघावा  

हा चित्रपट पाहिलाच पाहिजे. तुम्ही याला टॉप क्लास चित्रपटांच्या श्रेणीत ठेवू शकता. त्याच्या 14\7-मिनिटांच्या रनटाइममध्ये, चित्रपटाचे प्रत्येक दृश्य तुम्हाला प्रभावित करते आणि प्रेरित करते.