पीएम किसान ट्रॅक्टर योजना

भारत सरकारने शेतकऱ्यांच्या विकासासाठी आणि कल्याणासाठी प्रधानमंत्री किसान ट्रॅक्टर योजना सुरू केली आहे. ही योजना ट्रॅक्टर संबंधित आहे. शेतीची कामे करण्यासाठी ट्रॅक्टर सर्वात महत्वाचे आहे परंतु ट्रॅक्टरची किंमत जास्त असल्याने अनेक शेतकऱ्यांना तो खरेदी करणे कठीण झाले आहे. ही परिस्थिती लक्षात घेऊन सरकारने ट्रॅक्टर खरेदीवर अनुदान देण्याचा विचार केला. या योजनेद्वारे शेतकरी ५०% अनुदानावर ट्रॅक्टर खरेदी करू शकतात. यामुळे शेतकरी अर्थव्यवस्थेच्या विकासात अधिक हातभार लावू शकतील. पीएम किसान ट्रॅक्टर योजना आधीच अनेक राज्यांमध्ये लागू केली जात आहे.

ट्रॅक्टर खरेदी करण्यासाठी शासनाकडून अनुदान दिले जाणार असून हे अनुदान थेट लाभार्थ्यांच्या बँक खात्यात जमा केले जाणार आहे. त्यामुळे तुमचे बँक खाते तुमच्या आधार कार्डशी लिंक असले पाहिजे हे लक्षात ठेवा. यातील आणखी एक विशेष बाब म्हणजे या योजनेचा लाभ एका कुटुंबातील एका शेतकऱ्याला मिळू शकेल. ट्रॅक्टर अनुदान योजनेसाठी अर्ज करणारे अर्जदार राज्यस्तरीय प्राधिकरणांमार्फत देखील अर्ज करू शकतात. या योजनेसाठी अर्ज करण्याची ऑफलाइन आणि ऑनलाइन प्रक्रिया आहे.

प्रधानमंत्री किसान ट्रॅक्टर  योजनेची उद्दिष्टे

•   प्रधानमंत्री किसान ट्रॅक्टर योजनेंतर्गत शेतकऱ्यांना दिलेली रक्कम थेट त्यांच्या बँक  खात्यात पाठवली जाईल
•  जे महिला शेतकरी आहेत त्यांना अनुदानाचा अधिक लाभ मिळणार आहे.
•  ट्रॅक्टर खरेदी करण्यासाठी सरकारकडून कर्जाची सुविधाही दिली जाणार आहे.
• ऑनलाइन अर्ज करूनही शेतकरी प्रधानमंत्री किसान ट्रॅक्टर योजनेचा लाभ घेऊ शकतात.
•  शासनाने दिलेल्या या योजनेत शेतकऱ्यांना 20 ते 50% पर्यंत अनुदान दिले जाणार आहे.
•  या योजनेचा लाभ देशातील सर्व शेतकऱ्यांना मिळणार आहे.
•  प्रधानमंत्री किसान ट्रॅक्टर योजनेचा फायदा म्हणजे शेतकऱ्यांचे उत्पन्न वाढेल.

पीएम किसान ट्रॅक्टर योजना आवश्यक कागदपत्रे

• आधार कार्ड,
• रेशन कार्ड,
• रहिवाशी दाखला,
• उत्पन्नाचा दाखला,
• पॅन कार्ड,
• बँक पासबुक,
• ड्रायव्हींग लायसन्स (गाडी चालविण्याचा परवाना),
• सातबारा,
•  मोबाईल क्रमांक,
• पासपोर्ट साईज फोटो इत्यादि कागदपत्रांची पूर्तता शेतकऱ्यांना करावी लागणार आहे

प्रधानमंत्री किसान ट्रॅक्टर  योजनेसाठी हया गोष्ठी माहिती असणे गरजेचे आहे 

• अर्जदाराकडे शेतजमीन असणे आवश्यक आहे.
•  बँक खाते आधार कार्डशी जोडलेले असणे आवश्यक आहे.
• अर्ज करणारा शेतकरी हा भारताचा कायमचा रहिवासी असावा.
• अर्ज करण्यासाठी वय 18 वर्षांपेक्षा जास्त आणि 60 वर्षांपेक्षा कमी असावे.
• जे शेतकरी आधीपासून कोणत्याही कृषी उपकरण योजनेचे लाभार्थी आहेत ते प्रधानमंत्री किसान ट्रॅक्टर योजनेसाठी अर्ज करू शकत नाहीत.
• इतर कोणत्याही अनुदानावर आधारित योजनेचा लाभ शेतकरी घेत नाहीत.
• अर्जदाराचे वार्षिक कौटुंबिक उत्पन्न वार्षिक 1.5 लाखांपेक्षा कमी असावे.

प्रधानमंत्री किसान ट्रॅक्टर योजना अर्ज कसा करावा?

प्रधानमंत्री किसान ट्रॅक्टर योजनामध्ये प्रत्येक राज्यासाठी अर्ज करण्याची प्रक्रिया वेगळी आहे. काही ठिकाणी ऑफलाइन अर्ज तर काही ठिकाणी ऑनलाइन अर्ज केले जात आहेत.”

ऑफलाइन अर्ज प्रक्रिया:

प्रथम तुम्हाला तुमच्या जवळच्या जनसेवा केंद्र/CSC केंद्रावर जावे लागेल.

आता तुम्हाला किसान ट्रॅक्टर योजनेसाठी अर्ज करण्यासाठी केंद्रात बसलेल्या अधिकाऱ्याला कळवावे लागेल.

अधिकाऱ्याकडून अर्ज दिला जाईल. त्या अर्जात नमूद केलेली कागदपत्रे जोडून फॉर्ममध्ये विचारलेली माहिती स्पष्टपणे भरावी लागेल.

आता फॉर्म सबमिट केल्या नंतर तुम्हाला पावती मिळेल. या पावतीमध्ये तुमचा फॉर्म क्रमांक दिला जाईल. त्यामुळे तुम्ही ऑफलाइन अर्ज करू शकता

ऑनलाइन अर्ज प्रक्रिया:

तुम्ही त्यांच्या अधिकृत वेबसाइटला भेट देऊन ऑनलाइन अर्ज करू शकता.